23 сәуірде «Торайғыров университеті» КЕАҚ 6В02201 – «Тарих» білім беру бағдарламасы бойынша XVII Республикалық студенттік пәндік олимпиада өтеді

2025 жылдың 23 сәуірінде «Торайғыров университеті» КЕАҚ 6В02201 – «Тарих» білім беру бағдарламасы бойынша XVII Республикалық пәндік студенттер олимпиадасы өтеді.

Олимпиаданың мақсаты танымдық, зерттеу, шығармашылық қабілеттерді ашу, зияткерлік әлеуетті қалыптастыру және дарынды студенттерді қолдау, сондай-ақ жас ғалымдарды қазіргі заманның ғылыми мәселелерін шешуге тарту және ғылыми қызметке қызығушылықты дамыту.

Олимпиадаға 6В02201 – «Тарих» білім беру бағдарламасы бойынша Қазақстан Республикасының жоғары оқу орындарының студенттері қатыса алады. Жоғары оқу орны ұсынған команда 1-4 курстың, төрт студентінен аспауы керек.

Олимпиаданың жұмыс тілдері: қазақ және орыс.

Олимпиаданың ұйымдастыру комитетіне құжаттарды ұсыну тәртібі:

Олимпиадаға қатысушыларды тіркеу қатаң түрде құжаттар бойынша жүргізіледі. Олимпиаданы өткізу кезінде студенттер өздерімен бірге жеке куәлік пен студенттік билетті алып жүруге міндетті.

Тіркеу парақтары (қосымша 1) Республикалық студенттік пәндік олимпиадаға қатысу үшін, 2025 жылғы 11 сәуірге дейін history_olimp2025@mail.ru электрондық мекенжайға өтінім жіберу қерек. Өтінімде электрондық нысанды толтырып, ЖОО басшылығы бекіткен ілеспе хаттың сканерленген көшірмесін қоса ұсыну қажет.

Ұйымдастыру комитетінің мекенжайы:

Қосымша ақпаратты көрсетілген мекенжай бойынша алуға болады: 140008, Павлодар қ., Ломов к-сі, 64 «Торайғыров университеті» КЕАҚ, гуманитарлық және әлеуметтік ғылымдар факультеті, «Қазақстан тарихы» кафедрасы, 429 кабинет.

Автобустармен жүру: №5, №21, №22, №57, №003.

Аялдамалар: «Рубин», «Торайғыров университеті».

Олимпиаданы ұйымдастыруға және өткізуге жауаптылар:

1. Кабиденова Жулдыз Дюсенбаевна – PhD, «Қазақстан тарихы» кафедрасының меңгерушісі. Байланыс телефоны: +7 702 855 08 59.

2. Акшанова Асель Маратовна – «Қазақстан тарихы» кафедрасының оқытушысы. Байланыс телефоны: +7 747 702 57 51.

Электронды пошта: history_olimp2025@mail.ru 

Құрметті білім алушылар!

2025 жылға академиялық ұтқырлық бағдарламасы бойынша мемлекеттік қаражат есебінен шетелде (Еуропа елдерінде) оқуға баруға конкурсқа өтініштер қабылдау басталғаны туралы хабарлаймыз. Конкурсқа мемлекеттік білім беру гранты және ақылы негізінде оқитын 1, 2, 3 және 4 курс студенттері (2025-2026 оқу жылы) қатыса алады. Конкурстық іріктеудің негізгі критерийлері: барлық оқу кезеңінде жоғары оқу үлгерімі, шет тілін меңгеру деңгейі және тәуелсіз сараптамалық комиссияның бағасы*.

Конкурсқа қажетті құжаттарды қағаз нұсқасы университет кеңсесі арқылы тапсырылады.

Университет кеңсесі арқылы құжаттарды тапсыру үшін үміткерлер келесі құжаттарды ұсынады:

Құжаттарды International Office 2 (260 кабинет) қабылдайды.

Құжаттар тізімі:

1. Студенттің өтініші (форма бойынша, 2 дана);
2. Сауалнама (форма бойынша);
3. ҚР азаматының паспортының көшірмесі;
4. Университеттің мөрімен куәландырылған ағымдағы оқу үлгерімі туралы транскрипт;
5. Шет тілін меңгеру деңгейін растайтын құжат (үміткер төмендегі құжаттардың бірін ұсынады):

• а) Шет тілін білуді бағалаудың халықаралық жүйесі бойынша алынған сертификат (IELTS, TOEFL), бар болса;
• b) Шетелдік ЖОО-ның студентті қабылдауға дайын екендігін растайтын келісім хат;
• c) Торайғыров университетінің тестілеу нәтижесі (В2 деңгейінен төмен емес);

Егер үміткерде а) немесе b) тармақтарындағы құжаттар болмаса, ол Торайғыров университетінде (International Office 2, 260 кабинет) тестілеуден өтсе болады. Тесттен өту үшін өтінішті 2025 жылдың 21 сәуіріне дейін mobilnost_psu@mail.ru электронды поштасына жіберу қажет.

        6. Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген № 072/у нысанындағы медициналық анықтама (шетелге шығатындар үшін);

        7. Өтініш берушінің ата-анасының, қамқоршыларының, заңды өкілдерінің шетелге шығуға жазбаша келісімі, егер ол Қазақстан Республикасынан кетерде 18 жасқа толмаса;

        8. Студенттің көп балалы отбасынан екенін растайтын отбасы құрамы туралы құжат;

        9. Білім алушының ата-анасының жоқтығын растайтын құжат (жетім балалар немесе ата-анасының қамқорлығынсыз қалған студенттер үшін);

        10. Білім алушының мүгедектігін растайтын құжат;

        11. Факультет деканының және кафедра меңгерушісінің ұсыныс хаты.

Өтінімдерді қабылдау мерзімі: 2025 жылдың 21 сәуірі.

Барлық сұрақтар бойынша International Office 2 (260 кабинет), телефон арқылы +7-7182-67-36-32 (12-05) немесе mobilnost_psu@mail.ru электронды поштасына хабарласуға болады.

Барлық үміткерлер белгіленген күні барлық құжаттарды тапсырғаннан кейін тәуелсіз сараптамалық комиссиямен әңгімелесуден өтеді.

ХАБАРЛАНДЫРУ

Құрметті 6В05101 – Биология, 6В07241 – Металлургия,                             6В07120 – Машина жасау білім беру бағдарламаларының студенттері!

Республикалық студенттік ғылыми жұмыстардың конкурсының

ІІ кезеңі туралы хабарлаймыз!

ҚР ҒжЖБМ Жоғары және жоғары оқу орнынан кейінгі білім комитетінің 2025 жылғы 26 наурыздағы № 14-0/1324-ВН хатына сәйкес Қазақстан Республикасының жоғары оқу орындарында жыл сайынғы Республикалық студенттік ғылыми жұмыстардың конкурсын өткізу үшін «Торайғыров университеті» КЕАҚ 6В05101 – Биология, 6В07241 – Металлургия, 6В07120 – Машина жасау білім беру бағдарламалары бойынша базалық университет болып табылады.

Байқаудың 2-кезеңіне қатысу үшін ең үздік студенттік жұмыстарды қағаз және электронды тасымалдағышта («Республикалық ҒЗЖ байқауына» белгіленуімен) 140008, Павлодар қ., Ломов көш, 64, «Торайғыров университеті» КЕАҚ, Ғылым және коммерцияландыру бөлімі, 238А каб. тел.: 8(7182) 67-36-83 (ішкі: 11-12) мекенжайы бойынша және бағыттар бойынша жауапты тұлғалардың электрондық поштасына ұсынуыңызды сұраймыз:

6В05101 – Биология (Жапар Жазира Бақұбайқызы, zhapar-zhazira@mail.ru, тел.: +7 777 864 02 71);

6В07241 – Металлургия (Куандыков Алмаз Болатович, azeka200892@mail.ru, тел.:+7 705 441 72 48);

6В07120 – Машина жасау (Миллер Сергей Андреевич, Sergey_miller_09@mail.ru, тел.:+7 705 161 82 16).

Жұмыстар Қазақстан Республикасының жоғары оқу орындарында студенттердің ғылыми-зерттеу жұмыстарының жыл сайынғы Республикалық конкурсын ұйымдастыру және өткізу бойынша ұсынымдарға сәйкес 2025 жылдың 30 сәуіріне дейін қабылданады.