Саясат Нұрбек көптен күткен кездесуде екі шындықтағы өмір туралы, тұлғаны қалай ұрлау керектігі, неге француз тілін үйрену керек және қай мамандық сұранысқа ие екендігі туралы айтты.

2 сағат. Біреулер ұйықтап үлгерді немесе әлеуметтік желілердің лентасын жүздеген рет парақтады, ал енді біреулер – қарапайым өмірдің өзгеру жылдамдығын сезініп үлгерді.

Бірінші ескерту және дәл түсу: оқытушылар студенттердің назарын аударту үшін күресуге мәжбүр, бір-бірімен емес, виртуалды шындықпен – бүкіл әлеммен бәсекелесуге шақыруда. Әсемге ерекше арнайы сәлем: «Әсем! Біз мұндамыз!»

Еңбек нарығы білім беру жүйесін алға жылжытады. Мамандықтардың 65% -ы 10 жыл бұрын болмаған. Біз білім берудің жаңа моделін және жаңа құзыреттіліктерді – өмірлік дағдыларды талап етеміз.

Талапкерлер мен олардың ата-аналары үшін мамандық таңдауды жеңілдету үшін жақын болашақтың тоғыз перспективалы саласын ұсынатын интерактивті «Мамандықтар атласы» ойыны құрылды.

Айтпақшы, жақын арада прототип сайтта және мобильдік қосымшада қолжетімді болады.

Келесі мәлімдемеге барлық ғалымдар риза болды.

Саясат Нұрбектің айтуынша, іргелі ғылым қымбат тұрады және ұзақ уақытты талап етеді, бірақ онсыз қолданбалы ғылым жұмыс істемейді. Ғылыми әзірлемелер өз кезегінде нарыққа шығатын индустрияға және озық технологияларға құйылады.

«Барлық үлкен технологиялық шешімдердің негізінде ғалымдардың жетістіктері жатыр. Біздің елімізде ғылымның ең аз қаржыландырылуы тарихи қалыптасқан жағдай. Орта есеппен жылына ауыл мектебінің бір оқушысына мемлекет 40 мың теңге, ал Назарбаев зияткерлік мектептеріне шамамен үш миллион теңгеге жуық қаражат жұмсайды. Сіз бәрінің НЗМ білім алушылары сияқты болғанын қалайсыз ба? Онда үш миллион жұмсаңыз. Сонда білім деңгейі бәрінде бірдей болады. Біз ғылымға қаржы салуға дайын емеспіз, бірақ қолданбалы шешімдер мен нәтижелерді талап етеміз», - деді С.Нұрбек.