Торайғыров университетінің Жастар саясаты және әлеуметтік мәселелер департаменті директорының м.а. Тоғжан Ахметова және ToU жастар ұйымдары қауымдастығының төрағасы Нұрхан Ералы өңірдің есірткі құқық бұзушылықтарының алдын алу жөніндегі кеңесіне кірді.

Жақында Павлодар облысының полиция департаментінде қоғам қайраткерлері, жастар ұйымдарының өкілдері, блогерлер, журналистер, сондай-ақ құқық қорғау және денсаулық сақтау саласындағы сарапшылар кіретін есірткі құқық бұзушылықтың алдын алу жөніндегі кеңес мүшелеріне куәліктер табыс етілді.

Кеңестің негізгі мақсаты - есірткінің заңсыз айналымына қарсы күресте қоғам мен мемлекеттің күш-жігерін біріктіру, сондай-ақ олардың таралуының алдын алу бойынша тиімді шаралар әзірлеу. Жұртшылық өкілдерімен бірлескен жұмыс ашық диалогқа, пікір алмасуға және есірткі қаупіне қарсы іс-қимылдың заманауи тетіктерін әзірлеуге негізделген профилактиканың тиімді жүйесін құруға мүмкіндік береді.

Бұдан басқа, полиция департаменті кеңес мүшелерімен бірлесіп тыйым салынған заттарды, оның ішінде интернет-кеңістікте жарнамалау және тарату жағдайларын жедел анықтап, жолын кесетін болады. Тыйым салынған контентті анықтау және оны жою үшін тиісті органдармен жедел өзара іс-қимыл жасау тұрғысынан желінің мониторингіне ерекше назар аударылатын болады.