Торайғыров университеті Ауыл шаруашылығы қызметкерлері күніне арналған ауыл шаруашылығы көрмесіне қатысты.

Көрмеде ауыл шаруашылығы ғылымдары факультетінің ғалымдары күнбағыс гибридін құру, деградацияланған жайылымдарды қалпына келтіру бойынша әзірлемелер, құрттың инновациялық технологиясы, сүтті сиырлар мен бұзауларға арналған премикс рецептурасы бойынша өз жетістіктерін көрсетті. Көрмеге белсенді қатысқаны үшін ЖОО ғалымдары Алғыс хатпен марапатталды.

– «Саланың барлық жетістіктері бұл, ең алдымен, елдің азық-түлік қауіпсіздігін нығайтуға күн сайын зор үлес қосатын қарапайым жұмысшылардың еңбегі. Олардың қажырлы еңбегіне лайықты ақы төлеуді қамтамасыз ету - біздің бірінші кезектегі міндетіміз. Биылғы жылы көптеген шаруа қожалықтары жоғары әлеуметтік жауапкершілікті көрсете отырып, өз қызметкерлерінің жалақысын едәуір көтергенін білемін. Мен қалған фермерлерді ең құнды ресурс – адами капиталға инвестиция сала отырып, олардың үлгісін ұстануға шақырамын. Осы мереке күні баршаңызға амандық, жақсы нәтижелер мен табыс тілеймін» - деп қорытындылады Асаин Байханов.

Биыл аймақ үшін рекордтық өнім жиналды. Бұл көрсеткіш өткен маусыммен салыстырғанда үш есеге артты. Енді басты міндет – тауарларды сақтау және сәтті сату, - дейді фермерлер.