Торайғыров университетінде саяси қуғын-сүргін құрбандарын еске алу күніне арналған «Тарихқа тағзым» атты дөңгелек үстел өтті.

- 31 мамыр - Саяси қуғын-сүргін құрбандарын еске алу күні. Сол жылдардағы үлкен адам шығыны мен олардың ауыр тағдыры әр азаматтың жүрегін жаралады. Мемлекет басшысының 2020 жылғы 24 қарашадағы «Саяси қуғын-сүргін құрбандарын толық ақтау жөніндегі мемлекеттік комиссия туралы» Жарлығы негізінде Павлодар облысында саяси қуғын-сүргін құрбандарын ақтау мәселелері жөніндегі өңірлік комиссия құрылды, оның негізгі міндеті саяси қуғын-сүргін құрбандары болған Павлодар өңірінің тұрғындарын толық саяси және құқықтық ақтау болып табылады, - деп атап өтті басқарма басшысының орынбасары Айнұр Раисова.

«Дөңгелек үстел» жұмысына облыстық ЖОО ректорлары, ғалымдар, өңірлік комиссия мен жұмыс топтарының мүшелері, Қазақстан халқы ассамблеясының ғылыми-сараптамалық тобы, ЖОО студенттері мен магистранттары қатысты.

Қатысушылар қазақ халқының тарихындағы қайғылы кезең туралы және саяси қуғын-сүргін құрбандарын ақтау туралы сөз қозғады.

- Бірнеше жыл бұрын басталған репрессияланған есімдерді ақтау процесін тоқтату мүмкін емес. Біз көптеген жылдар бойы саяси режимнің кінәсінен сатқын немесе Отанын сатқан деп әділетсіз жапа шеккен барлық адамды есте сақтап, құрметтеуіміз керек. Бұл біздің әкелер, аталар мен бабалар алдындағы қасиетті міндетіміз деп айтуға болады, - деп атап өтті ЖОО ректоры Еркін Садықов.

Алаңда алғаш рет біздің аймақтан қуғын-сүргінге ұшыраған 12 адамның есімдері айтылды, олар бұрын еш жерде көрсетілмеген. 

Мемлекеттік комиссия қызметінің негізгі нәтижесі ретінде 2022 жылы саяси қуғын-сүргін тарихына арналған материалдар мен құжаттардың 31 томдық жинағы шыққанын, Павлодар облысы Өңірлік комиссиясының жұмыс топтары дайындаған «Павлодар өңіріндегі саяси қуғын-сүргін: халық трагедиясы» материалдар мен мұрағаттық деректер жинағы (17 том) шығарылғанын атап өтеміз.

Сонымен қатар, бұл күні Торайғыров университетінің ҚХА  кафедрасында 1920-50 жылдардағы қайғылы оқиғалар талқыланып, қоғамдық сананың қалыптасуы, тарихи әділеттіліктің қалпына келуі туралы айтылды.
- Қуғын-сүргінге ұшырағандарды ақтап алу жұмыстары жалғасуы тиіс. Біз бірнеше жыл бұрын халық жауы, сатқын ретінде әділетсіз айыпталған әрбір адамды есте сақтап, құрметтеуіміз керек. Бұл біздің әкелеріміз, аталарымыз бен бабаларымыздың алдындағы тікелей міндетіміз деп айтуға болады, - деді ҚХА кафедрасының меңгерушісі, саяси ғылымдар докторы Арман Ақышев.