Торайғыров университетінде "AMANAT" партиясының хатшысы Шолпан Кариновамен және  шығармашыл жастар өкілдерімен "BIRTOLQYNDA": "Кітап - болмыстың рухани негізі" форматындағы кездесу өтті. 

Іс-шараға Павлодар облысы әкімінің орынбасары Айгүл Маликова, облыстық мәслихат және "AMANAT" партиясы облыстық филиалының төрағасы Илья Теренченко, партияның Павлодар облыстық филиалы атқарушы хатшысының м.а. Айнұр Мұхамедьярова және ToU Басқарма төрағасының-ректорының м.а. Нұрлан Ержанов қатысты.  

- - Өкінішке орай, бүгінде жылдам трендтер мен үстірт қабылдау басымдықта, бірақ кітап оқу өткен, қазіргі және болашақ арасындағы көпір болып қала береді. Ол ойлауды дамытады, талдауға үйретеді, мәдениетке бойлатады және жеке тұлғаны қалыптастырады. Сондықтан біз кітап оқуды насихаттауға тырысамыз. Студенттердің классикалық және заманауи мәтіндерден шабыт іздеуі, әлемді түсіну және жаңа нәрсе жасау үшін керемет идеяларды үйренуі бізді қуантады. Кітап олар үшін жай ғана зат емес, өсуге және шынайы құндылықтарға апаратын жол, - деп атап өтті Нұрлан Ержанов.